بیدر ضلع میںبارش کے پانی کی نکاسی کا قبل از وقت بارش کوئی نظم نہیں

بیدر ضلع میں بارش نہیں ہونے کے باعث کسان کافی پریشان تھے ۔کئی کسانوں نے بارش نہ ہونے کی صورت میں اپنے اپنے کھیتوں تخم ریزی نہیں کی ۔اللہ کی اس رحمت کے انتظار میں کسان اپنی آنکھوں کو آسمان پر بکھرے بادلوں کو دیکھتے اور اللہ سے دعا کرتے کہ اللہ جلد سے جلد بارش ہو اور کھیتوں میں تخم ریزی ہوجائے ۔ آئمہ مساجد نے بھی نمازِ جمعہ کے موقع پر رحمت باراں کیلئے دعا کی تھی آخرکار بیدر ضلع میں گزشتہ شب موسم بارش کی پہلی بارش لگاتار کئی گھنٹوں تک جاری رہی ۔ جہاں کسانوں کیلئے بارش فائدہ مند رہی وہیں شہروں میں مجلسِ بلدیہ کی اور ضلع انتظامیہ کی لاپرواہی کے سبب بارش کا پانی شہر کی اہم سڑکوں اور گلیوں کی سڑکوں میں جمع ہوگیا ۔بارش کے پانی کی



نکاسی کا قبل از وقت بارش کوئی نظم نہیں کیا گیا ۔گزشتہ شب کی بارش میں بیدر ضلع کے کئی نشیبی علاقوں میں پانی گھروں میں آگیا ہے ۔سڑکیں اور گلیاں ندی اور نالوں کی منظر پیش کررہی ہے ۔ دیہاتوں سے کچے مکانات کے گرنے کی اِطلاعات موصول ہوئی ہیں ۔بارش نے مجلس بلدیہ کی پول کھول دی ہے ۔جگہ جگہ کچرے کے انبار ‘نالیوں کی عدم صفائی کے علاوہ شہر میں سڑکوں کی کشادگی اور زیرِ زمین ڈرینیج سسٹم کے تعمیری کام کی وجہ سے قدیم شہر بیدر کے کچھ محلہ جات میں راہ گیروں کو کافی تکلیف کا سامنا کرنا پڑ رہا ہے ۔رمضان المبارک کے اس متبرک مہینے میں قدیم شہر کے کچھ محلہ جات میں راستوں کی حالات اتنی خستہ ہے کہ مصلیانِ مسجد کو مسجد جانے کیلئے کافی دشواری کا سامنا ہے ۔***